Beqoviç “Milan”dan da ayrılır

İtaliyanın “Milan” klubu “Bornmut”dan icarəyə götürdüyü Əsmir Beqoviçin transfer hüququna yiyələnməyəcək.

Allsport.az xəbər verir ki, “qırmızı-qaralar” bosniyalı qapıçı ilə sözləşməsi başa çatdıqdan sonra yollarını ayıracaq.

32 yaşlı qapıçı müqavilə ilə məxsus olduğu İngiltərə təmsilçisinə qayıdacaq. O, mövsümün ilk yarısını icarə əsasında “Qarabağ”da keçirib.