“Qəbələ”yə növbəti göz dağı: “Borussiya” “Auqsburq”a 5 qol vurdu

Almaniya Bundesliqasında 10-cu turun oyunları keçirilib. Allsport.az xəbər verir ki, Avropa Liqasının qrup mərhələsində “Qəbələ”nin rəqibi olan Dortmund “Borussiya”sı da növbəti matçına çıxıb.

Sözügedən klub doğma meydanda “Auqsburq”la qarşılaşıb. Matç “Borussiya”nın 5:1 hesablı qələbəsi ilə başa çatıb. Bir neçə gün öncə “Qəbələ”yə 3 qol vuran Pyer-Emerik Obameyanq bu qarşılaşmada da het-trikə imza atıb.

Qeyd edək ki, geridə qalan turlarda 23 xal toplayan “Borussiya” ikinci pillədə qərarlaşıb.