Nazarov 46 dəqiqə oynadı, komandası qələbə qazandı

Futbol üzrə Almaniya 2-ci Bundesliqasında 17-ci turun oyunları keçirilib. Allsport.az xəbər verir ki, Azərbaycan yığmasının hücumçusu Dmitri Nazarovun komandası – “Karlsrue” də növbəti matçına çıxıb.

Sözügedən komanda səfərdə “1860 Münhen” klubu ilə qarşılaşıb. Oyun 3:2 hesabıyla “Karlsrue”nin xeyrinə başa çatıb. Nazarov start heyətdə meydana çıxsa da, fasilədə əvəzlənib. Komandası qələbə qollarını da məhz ikinci hissədə vurub.

Qeyd edək ki, “Karlsrue” hazırda 30 xalla 2-ci pillədədir.