Dortmund “Borussiya”sı rəqib tanımır

Almaniya Bundesliqasında 5-ci turun oyunları keçirilib. Allsport.az xəbər verir ki, Avropa Liqasının qrup mərhələsində “Qəbələ”nin rəqibi olan Dortmund “Borussiya”sı da növbəti matçına çıxıb.

Sözügedən klub doğma meydanda “Bayer”lə qarşılaşıb. Matç “Qəbələ”nin rəqibinin 3:0 hesablı qələbəsi ilə başa çatıb. Dortmundluların qollarını Mats Hummels, Pyer-Emerik Obameyanq və Adrian Ramos vurub.

Qeyd edək ki, geridə qalan turlarda maksimum nəticə göstərən “Borussiya” hazırda 15 xalla liderdir.