Dünya üçüncüsü

Las Veqasda güləş üzrə U-23 dünya çempionatı davam edir.

Allsport.az xəbər verir ki, üçüncü yarış günündə yunan-Roma güləşi üzrə mübarizəyə yekun vurulub.

Ayxan Cavadov (63 kq) təsəlliverici görüşdə ekvadorlu Klizman Velizə 1:5 hesabıyla məğlub olub.

Ruslan Nurullayev (77 kq) təsəlliverici görüşlərdə iranlı Ahura Piani (10:1) və norveçli Ludviq Hatlanda (8:0) tam üstünlüklə qalib gəlib. Güləşçimiz bürünc medal uğrunda qarşılaşmada isə ukraynalı İrfan Mirzəyevi üstələyib – 3:1. Bu, Ruslanın U-23 dünya çempionatlarında 3-cü bürünc medal olub.

Orxan Hacıyev (87 kq) təsəlliverici görüşdə serbiyalı Antal Vamosa “tuş”la uduzub. Məzaim Mərdanov (130 kq) isə təsəlliverici görüşdə ermənistanlı Aramayis Harutyunyana sonuncu xal prinsipinə əsasən (5:5) məğlub olub.