EHF nümayəndəmizin nəzarət etdiyi matçda Kosova klubu qalib gəlib

Ölkəmizin yeganə EHF nümayəndəsi İsgəndər Əsgərov Bolqarıstanın Burqos şəhərində keçiriləcən Avropa Həndbol Federasiyasının kuboku uğrunda yarışın 1-ci təsnifat mərhələsinin ilk görüşündə kişilər arasında yerli “Freqata” və “BESA Famiglia” (Kosovo) klublarının oyununda hakimlərə nəzarət edib.

Allsport.az saytı xəbər verir ki, üstün oyun nümayiş etdirən qonaqlar 24:18 hesabı ilə qalib gəliblər. Bu görüşün referiləri Roberto Skevola və Tal Alperan (hər ikisi – İtaliya) olublar. Cavab matçı sentyabrın 13-də baş tutacaq.