- Baxış sayı: 24
- 23 Oktyabr 2024 14:45
- Baxış sayı: 56
- Oktyabr 22, 2024
- 0
Ukraynanın “Aleksandriya” klubunda çıxış edən azərbaycanlı futbolçu Emil Mustafayev əsas komandanın heyətində ilk qollarını vurub.
Allsport.az xəbər verir ki, 20 yaşlı yarımmüdafiəçi “Metallist 1925” komandasını 5:2 hesabı ilə məğlub etdiklləri Ukrayna Kubokunun 1/8 final oyununda dubl edib.
Mustafayev 24-cü və 29-cu dəqiqələrdə komandasının ilk 2 qolunun müəllifi olub. Gənc oyunçu yerli mətbuata açıqlamasında emosiyalarını sözlə ifadə edə bilmədiyini söyləyib: “Hazırda hisslərimi təsvir etmək çətindir. Bunlar əsas komandada ilk qollarımdır. Mənə dəstək olan hər kəsə təşəkkür edirəm”.
2018-ci ildən “Aleksandriya”nın şərəfini qoruyan Emil Mustafayev əsas komandada 3 oyunda meydanda olub.