“Göteborq” – “Qarabağ” matçı polşalı hakimlərə tapşırılıb

Avropa Liqasının pley-off mərhələsində “Qarabağ”la İsveç “Göteborq”u arasında keçiriləcək ilk oyunun hakimləri müəyyənləşib. Allsport.az saytı xəbər verir ki, UEFA bu qarşılaşmanı polşalı referilərə həvalə edib.

Baş ədalət təmsilçisi Pavel Raçkovski olacaq. Ona yan xətt hakimləri Radoslav Sneyka ilə Mixal Obukoviç kömək edəcəklər. 4-cü referi  Tomaş Kvyakovskidir.

Qeyd edək ki, bu komandalar arasında görüş avqustun 18-də “Qamla Ullevi” arenasında keçiriləcək və saat 21:00-da start götürəcək.