Həsənov son oyununu idarə etdi

16 avqustda hörmətli beynəlxalq dərəcəli hakim Ələkbər Həsənov FİBA bayrağı altında son oyununu idarə edib. Allsport.az xəbər verir ki, o, Gürcüstanda keçirilən U-16 Avropa çempionatının “A” divizionunda Sloveniya və İtaliya arasında 3-cü yer uğrunda görüşün hakimi olub.

O, hakimlik karyerasına 1995-ci ildə başlayıb və bu sahəyə 30 ilini həsr edib.

Həsənov bundan sonra FİBA-da instruktor kimi fəaliyyət göstərəcək.