İlkay Gündoğandan köhnə məşqçisinə dəstək

Allsport.az xəbər verir ki, “Mançester Siti”nin təcrübəli hücumçusu İlkay Gündoğan, Tomas Tuxelin “Bavariya”nı idarə etməsi ilə bağlı belə danışıb:

“Mənim üçün Tomas Tuxel dünyanın ən yaxşı məşqçilərindən biridir. Onunla Dortmund “Borussiya”sında cəmi 1 il işləmək imkanım oldu, lakin o bir il inanılmaz dərəcədə zövqlü idi. Məncə, Tuxel Alman klubunu yenidən Avropanın ən yaxşı komandalarından birinə çevirəcək”.

İlkay Gündoğan və Tomas Tuxel 2015/16 mövsümündə Dortmund “Borussiya”sında birlikdə çalışıb. Növbəti il türkiyəli futbolçu “Mançester Siti”yə keçib.