“İnter”in “Atletik”lə cavab matçı türk əsilli hollanda tapşırıldı

“İnter”in Avropa Liqasının ikinci təsnifat mərhələsi çərçivəsində İspaniya “Atletik”i ilə cavab qarşılaşmasının hakimləri müəyyənləşib. Allsport.az xəbər verir ki, Bakıda keçiriləcək həmin oyunu hollandiyalı ədalət təmsilçiləri idarə edəcəklər.

Qarşılaşmanın baş hakimi əslən türk olan Serdar Gözüböyük idarə edəcək. Ona Bas van Donqenlə Patrik Lanqkamp kömək göstərəcək.

Qeyd edək ki, “İnter”lə “Atletik” arasındakı cavab qarşılaşması avqustun 6-da “İnter Arena”da keçiriləcək. Bu komandaların ilk görüşü isə iyulun 30-da Bilbaoda baş tutacaq.