İsveç klubu “Qarabag”la görüş öncəsi bu gün danimarkalı yarımmüdafiəçisini də itirib

“Göteborq” klubunun danimarkalı ulduzu Soren Riks zədələnib. Allsport.az saytı xəbər verir ki, səhər məşqində damarı dartilan 29 nömrəli yarımmüdafiəçinin “Qarabag”la görüşdə  meydana cıxması sual altına düşüb. Məşqçi heyəti futbolçusunun ciddi zədələnmədiyinə ümid edir.

“Göteborg Posten” qəzetinin jurnalistnə danışan Riks, dizindən zədələndiyini, hərəkət edərkən agrı hiss etdiyini və bu üzdən buzdan istifadə etdiyin bildirib. Yüksək liqa – Alsvenskada son 13 oyuna 2 qol  və 5 ötürmə edən Soren rəqib üçün vacib oyunçulardandır.

Zədə səbəbindən, əsas heyət üzvlərindən Sebastyan Eriksson, Qustav Engval və Patrik Karlsson da Ağdam klubu ilə matçda komandalarına kömək edə bilməyəcəklər. Bu qarşılaşma Bakı vaxtı ilə 21:00-da start götürəcək.

Mansur ATƏŞ, İsveç