Lorisə 3-qat maaş təklif ediblər

Allsport.az xəbər verir ki, “Tottenhem”in qapıçısı Uqo Loris karyerasını Səudiyyə Ərəbistanında davam etdirə bilər.

Futbolçuya adı açıqlanmayan bir Səudiyyə Ərəbistanı klubundan təklif göndərilib.

Həmin klub Lorisin maaşını 3 dəfə artırmağa hazırdır. “Tottenhem”də 36 yaşlı oyunçu həftədə təxminən 100 min funt sterlinq qazanır. Onun London təmslçisi ilə müqaviləsi 2024-cü ilə qədərdir.

Fransalı futbolçu bu mövsüm premyer liqada 25 oyuna çıxıb, 39 qol buraxıb.