“Mançester Yunayted” 2 futbolçunu icarəyə vermək istəyir

“Mançester Yunayted” futbolçuları Antoni Elanqanı və Fakundo Pellistrini icarəyə göndərməyi düşünür.

Allsport.az xəbər verir ki, 21 yaşlı yarımmüdafiəçi olan Pellistri 2023-cü ilin əvvəlindən “Mançester Yunayted”in heyətində 6 oyuna çıxıb.

Klub oyunçunu satmaq istəmir və uruqvaylının gələcək taleyi ilə bağlı uzunmüddətli qərar vermək üçün növbəti mövsümü icarəyə göndərməyi düşünür. Pellistri ötən mövsümü icarə əsasında “Alaves”də keçirib.

Klub həmçinin Antoni Elanqanı kifayət qədər oyun vaxtı əldə etmədiyi üçün icarəyə vermək niyyətindədir.

20 yaşlı yarımmüdafiəçi bu mövsüm premyer liqada 16 oyuna çıxıb.