Milli üzvünü döyüb evini yağmaladılar

“Tottenhem”in futbolçusu Dele Alli mayın 12-də evində xoşagəlməz hadisə ilə üzləşib. Allsport.az xəbər verir ki, Londonda yaşayan futbolçunun evinə bıçaqlı quldurlar girib.

Hadisə futbolçunun sevgilisi və qardaşı ilə bilyard oynadığı vaxt yaşanıb. Quldurlar hər 3 şəxsin üz-gözünü pis hala salıb, evi yağmalayıblar. Soyğunçular ingiltərə millisinin üzvünə 2 milyon funt-sterlinqdən çox ziyan vurub.

Sifətində yaralar olan 24 yaşlı futbolçunun vəziyyəti yaxşıdır.

Hadisəni araşdıran polislər kameraya düşən görüntülərlə quldurları tapmağa çalışır.