Millimiz məşqə Qarabağa aid köynəklərlə çıxıb

Bu gün “ay-ulduzlular”ımız millətlər liqasının qrup mərhələsinin 3-cü turunda Monteneqronun qonağı olacaq. Allsport.az saytı xəbər verir ki, Podqoritsada millinin futbolçuları son məşqə Qarabağa aid geyimlərdə çıxıblar.

Bununla bağlı qapıçı Şahruddin Məhəmmədəliyev İnstaqramda paylaşım edib. Şəkildə onunla yanaşı, Ramil Şeydayev də yer alıb. Qapıçımızın məşq formasının arxasında “Füzuli”, hücumçumuzda “Şuşa” yazılıb.