Millimizin oyunlarına qonaq azarkeşlər buraxılmayacaq

“Ay-ulduzlular”ımızın DÇ-2022-nin seçmə mərhələsində sentyabrda keçirəcəyi oyunlarına qonaq azarkeşlər buraxılmayacaq. Allsport.az saytı xəbər verir ki, bu barədə UEFA və FİFA qərar verib.

Adıçəkilən qurumlar koronavirus pandemiyası ilə əlaqədar gələn ay Avropada matçlara səfər komandalarının fanatlarının buraxılmamasını məqsədəuyğun sayıb. Oktyabr və noyabrda qarşılaşmalarla bağlı isə müzakirə aparılacaq.

“A” qrupunda yer alan millimiz, sentyabrın 1-də Lüksemburqun, 4-də İrlandiyanın qonağı olacaq, ayın 7-də Portuqaliyanı qəbul edəcək.