Minayə Əkbərova yeniyetmələrin olimpiya oyunlarına vəsiqə qazanıb

Bu gün Tunisin Hammamet şəhərində yeniyetmələrin olimpiya oyunlarına vəsiqə verən yarışa yekun vurulub.

Allsport.az saytı xəbər verir ki, baş məşqçi Məmməd Abdullayev və böyük məşqçi Zahid Məmmədovun rəhbərlik etdiyi komandada yalnız Minayə Əkbərova (44 kq) ümidi doğruldub və Argentinaya yollanmaq hüququ qazanıb.

Taekvondoçumuz yeniyetmələr arasında 1-ci dünya birinciliyinin gümüş mükafatçısı (2014), klublararası avropa çempionatının bürünc (2015), klublararası avropa çempionatında gənclər arasında qızıl medalın sahibidir (2018).