Muarem Muarem qol epizoduna şərh vermədi

Bu gün Avroliqanın «F» qrupunun son matçında Tofiq Bəhramov adına Respublika stadionunda «Qarabağ» klubu Milan «İnter»i ilə qarşılaşdı. Allsport.az saytı xəbər verir ki, qarşılıqlı hücumlar şəraitində keçən matçda hesab açılmadı.

Belədə, qrupda digər görüşdə «Dnepr» evdə «Sent Etyeni» 1:0 məğlub edərək, italiyalılardan sonra növbəti mərhələyə adlayan ikinci kollektiv oldu.

Paytaxtdakı matçdan sonra Azərbaycan çempionunun albaniyalı legioneri Muarem Muarem, 90+5 «Qarabağ»ın vurduğu qol epizoduna şərh verməkdə çətinlik çəkdiyini dedi. «Düzü, həmin anın vidioyazısını hələ görməmişəm. Bu halda dəqiq fikir söyləyə bilmərəm».