Müsahibə mərhələsinə start

Avro-2020-nin Bakı könüllülük proqramının müsahibə mərhələsinə start verilib. Allsport.az saytı xəbər verir ki, olimpiya stadionunun informasiya mərkəzində keçirilən ilk müsahibə mərhələsində 265 könüllü namizəd iştirak edib.

Dekabrın 28-dək davam edəcək müsahibə mərhələsi bazar ertəsi istisna olmaqla həftənin digər günləri keçiriləcək.

Qeyd edək ki, müsahibə mərhələsinin ilk günündə proqramın səfiri Taleh Yüzbəyov da iştirak edərək könüllü namizədlərlə görüşüb.