“Napoli” İtaliya çempionudur!

Allsport.az xəbər verir ki, “Napoli” vaxtından əvvəl İtaliya çempionu olub.

Luçano Spalettinin baş məşqçilik etdiyi komanda “A” seriyasının 33-cü turunda səfərdə “Udineze” ilə heç heçə edib – 1:1. Neapol klubunun xallarının sayı 80-ə çatıb. Onlar mövsümün bitməsinə 5 tur qalmış “Latsio” üçün əlçatmaz olublar (64 xal).

Bu, “Napoli”nin tarixində 3-cü ölkə çempionluğudur. Klub 33 ildən sonra ilk dəfə bu titulu qazanıb.