“Neftçi”nin futbolçusu “Astra”ya keçir

“Neftçi”nin futbolçusu Araz Abdullayev karyerasını Rumıniyada davam etdirməyə yaxındır. Allsport.az saytı xəbər verir ki, o, “Astra” klubundan təklif alıb.

Yarımmüdafiəçi Azərbaycan millisinin DÇ-2018-in seçmə mərhələsində San Marino ilə səfər oyunundan sonra Rumıniyaya yollanacaq. Ona birbaşa müqavilə bağlamaq təklib olunub.

O da məlum olub ki, “Neftçi” Arazın bu transferinə görə heç bir gəlir əldə etməyəcək. Amma Rumıniya klubu gələcəkdə millimizin üzvünü başqa bir kluba satsa, bakılılar həmin transferdən öz faizini götürə biləcəklər.