“Qəbələ”nin rəqibi Yunanıstan çempionatında ilk matçına çıxır

Bu gün Yunanıstan çempionatında ilk turun oyunları keçirilir. Allsport.az xəbər verir ki, Avropa Liqasının pley-off mərhələsində “Qəbələ”nin rəqibi olan “Panatinaikos” da ölkə birinciliyində yeni mövsümün ilk matçına çıxacaq.

Afina təmsilçisi səfərdə “Panaitolikos”la qarşılaşacaq. Matç Bakı vaxtı ilə saat 23:30-da start götürəcək.

Qeyd edək ki, “Panatinaikos”la “Qəbələ” arasında Bakıda keçirilmiş ilk oyun qolsuz başa çatıb. Cavab görüşü isə avqustun 27-də Afinada keçiriləcək.