Qadın taekvondoçularımız Koreyada məşq edir

Azərbaycanın qadın taekvondoçuları Koreya Respublikasına yollanıblar. Allsport.az saytı xəbər verir ki, yığmanın baş məşqçisi Sun Mi Park 2 idmançımızın Asiyada hazırlıq keçməsini məqsədəuyğun hesab edib.

Rio-2016-ya lisenziyanı təmin edən Patimat Abakarova (49 kq), həmçinin Yarpaq Ərişin (62 kq) hazırlığı iyulun 8-dək davam edəcək.

Olimpiadaya vəsiqə qazanan digər taekvondoçumuz Fəridə Əzizova (67 kq) şəxsi məşqçisinin rəhbərliyi ilə hazırlaşır.