“Qarabağ”ı İsveçdə həmyerlilərimiz böyük çoşqu ilə qarşılayıblar

Avropa Liqasının pley-off mərhələsində ilk oyununda səfərdə “Göteborq” klunu ilə qarşılaşacaq “Qarabağ” ötən gün İsveçə yollanıb. Allsport.az saytı xəbər verir ki, ölkə çempionumuz gecə saatlarında Skandinaviyaya çatıb.

Qurban Qurbanovun komandası bu ölkədə yaşayan həmyerlilərimiz tərəfindən böyük coşqu ilə qarşılanıb. Qeyd edək ki, “Göteborq” – “Qarabağ” matçı sabah “Qamla Ullevi” arenasında keçiriləcək və saat 20:45-də start götürəcək.