“Qarabağ”ın “Seltik Park”da ilk dəfə oynaması bizim üçün üstünlükdür”

Şotlandiyanın “Seltik” klubunun baş məşqçisi Ronni Deyla UEFA Çempionlar Liqasının üçüncü təsnifat mərhələsi çərçivəsində Azərbaycan çempionu “Qarabağ”a qarşı keçirəcəkləri ilk oyun öncəsi fikirlərini açıqlayıb. Allsport.az xəbər verir ki, o, klub saytına açıqlamasında o, bunları söyləyib:

“Matça demək olar ki, itkisiz çıxacağıq. Komandada vəziyyət yaxşıdır. “Seltik Park”da olana qədər heç kim burada oynamaqdan qorxmur. “Qarabağ” ilk dəfə burada oynayacaq. Bu isə bizim üçün üstünlükdür. Biz onlara nə qədər yaxşı komanda olduğumuzu göstərməliyik. Bu vəzifənin öhdəsindən gəlməyə hazırıq. Bunun üçün hər şeyimiz var – həm təcrübəmiz, həm də oyun keyfiyyətimiz”.