Qrizmann ən yaxşı oyunçu seçilib

“Atletiko Madrid”in hücumçusu Antuan Qrizmann İspaniya çempionatının mart ayının ən yaxşı oyunçusu seçilib.

Allsport.az xəbər verir ki, ötən ay 32 yaşlı fransalı futbolçu İspaniya çempionatının 3 oyununda 2 qol vurub və 1 məhsuldar ötürmə edib. Ümumilikdə Qrizmann bu mövsüm “La liqada” 26 oyunda 9 qol vurub və 9 məhsuldar ötürmə edib.

“Atletiko Madrid” çepionatda 26 turundan sonra 51 xal toplayıb və çempionat cədvəlində 3-cüdür.

Qrizmann 2014-cü ilin yayında “Real Sosyedad”dan “Atletiko Madrid”ə keçmişdi. Beş il sonra “Barselona” onun müqaviləsini 120 milyon avroya satın aldı, lakin iki mövsüm sonra Madrid təmsilçisi fransız hücumçunun hüquqlarını alıb.