“Qrup lideri olmaq istəyiriksə, mütləq qalib gəlməliyik”

Millətlər liqasında Qaradağ – Azərbaycan oyunu öncəsi mətbuat konfransı keçililib. Allsport.az saytı xəbər verir ki, baş məşqçi Canni de Byazi toplantıda bunu söyləyib:

“Bilirəm, ölkə olaraq çətin dövr yaşayırıq. Azərbaycan üçün qeyri-adi situasiyadı. Oyuna maksimum konsentrasiya olacağıq. Qrup lideri olmaq istəyiriksə, mütləq qalib gəlməliyik. Qrupda yer alan komandalar reytinqdə bizdən üstün olsalar da, inanıram ki, komandam yaxşı oyun göstərəcək və lazım olan nəticəni qazanacaq.

Rəqib haqda onu deyə bilərəm ki, geniş heyətə malikdr. Bir çox oyunçuları legioner həyatı yaşayır. Həm gənc, həm də təcrübəli futbolçulardan təşkil olunub. Oyunlarını yaxşı analiz etmişik. İki oyunda qalib gəlsələr də, bu, o demək deyil ki, məğlubedilməzdirlər. Sabah kim az səhv etsə, o da qalib gələcək.

Bütün futbolçular ölkədə baş verən hadisələr barədə düşünür. Belə demək mümkünsə, hamısı bir qədər narahatdır. İndiki anda bu hadisələrə ən gözəl cavab baxımlı oyun göstərib qalib gəlməkdir. Bütün dünyanın diqqəti bu oyunda olacaq. Futbolçular qələbə qazanmaqla əsgərlərə dəstək ola bilərlər”.