Qurban Qurbanov: Bakıdakı oyunda daha çox güc sərf etməliyik

“Qarabağ” Avropa Liqasının pley-off mərhələsinin ilk matçında səfərdə İsveçin “Göteborq” klubuna 0:1 hesabı ilə uduzub. Allsport.az saytının məlumatına görə, baş məşqçi Qurban Qurbanov məğlubiyyətə belə şərh verib:

“Artıq 2-ci oyundur ki, belə halla rastlaşırıq. Qapımıza 2 zərbə olur və hər 2-si qolla nəticələnir. Bakıdakı oyunda daha çox güc sərf etməliyik və rəqibimizin müdafiəsini yarmaqdan ötrü nəysə fikirləşəcəyik. Şanslar əlli-əlliyədir. Cavab matçında azarkeşlərimizin möhtəşəm dəstəyi ilə uğurlu nəticə əldə etmək istəyirik”.