“Real”ın prezidenti: “Bizdə futbolçular hər il dalaşırlar”

Florentino Peres, yarımmüdafiəçilər Aurelien Çouameni və Federiko Valverde arasında baş verən dava ilə bağlı ilk dəfə açıqlama verib. Allsport.az saytı xəbər verir ki, futbolçular br neçə gün əvvəl məşq zamanı əlbəyaxa olublar. Nəticədə, uruqvaylı xəstəxanaya yerləşdirilib. Hər 2 oyunçu 500.000 avro cərimələnib:

“Bu, çox pisdir. Amma daha da pisi odur ki, bu, ictimaiyyətə açıqlanıb. Klubda olduğum 26 il ərzində oyunçularım həmişə dalaşıblar. Bəzən bir dəfədən çox. Oyunçularım hər il dalaşıblar. Amma daxili hadisənin kənara çıxması yaxşı hal deyil. Gənclər mübahisə edəndə, bir-birlərinə zərbələr endirirlər və sonra dostlaşırlar”.