Renat Dadaşovun klubu yüksək dəstəni tərk etdi

Portuqaliya primerosunun 34-cü turunda “Tondela” evdə “Boavişta” ilə 2:2 edib. Allsport.az saytı xəbər verir ki, millinin hücumçusu Renat Dadaşov 59-cu dəqiqədə meydana çıxıb.

Bu nəticə ilə “qızılı-yaşıllar” sona 2 tur qalmış 28 xalla 17-ci pilləni tutaraq, yüksək liqanı tərk ediblər. “Tondela”dan başqa, sonuncu yerdə olan “Belenenses” də aşağı liqaya yuvarlanıb.

Renat müqavilə ilə İngiltərənin “Vulverhempton” klubuna məxsusdur və icarə əsasında Portuqaliyada çıxış edir.