Şəhriyar Məmmədyarov: “Bu gün “Qarabağ”la “Qəbələ”nin gözəl oyun göstərəcəklərinə inanıram”

“Qarabağ” və “Qəbələ” klublarının Avroliqanın qrup mərhələsinə düşməsi böyük hadisədir. Püşkə əsasən, Ağdam komandasının rəqibləri daha güclüdür”. Allsport.az saytı xəbər verir ki, bunu Dünya Kubokunun 1/16 finalında hindistanlı rəqibi Sethuraman Panayapana ilk görüşdə qalib gələn Şəhriyar Məmmədyarov deyib.

Qrosssmeyster bildirib ki, “Qarabağ” rəhbərliyi ona dəstək olub. O da öz növbəsində, futbolçularımıza azarkeşlik edəcək: “Dünya Kubokunun gedişində “Qarabağ”ın vitse-prezidenti Tahir Gözəl “Fairmont” mehmanxanasına gəldi, mənə dəstək nümayiş etdirdi. İnanıram ki, hər 2 komandamız qalib gələcək. Qalib gəlməsə də, gözəl oyun göstərəcək. Yorğun olsam da, bu gün mütləq bir matçı TV-dən izləyəcəyəm”.