Şənol Günəş: Azərbaycan bizim üçün önəmlidir

Türkiyə millisinin baş məşqçisi Şənol Günəş AÇ-2020 barədə danışıb. Allsport.az xəbər verir ki, 66 yaşlı mütəxəssis qrup mərhələsində iki oyunun Bakıda təşkil olunmasına münasibət bildirib.

“Azərbaycan bizim üçün önəmlidir. Oranı öz meydanımız kimi görürük. Bakıda olarkən o isti münasibəti gördüm. Türkiyə ilə Azərbaycan arasındakı münasibətlər son dönəmlərdə daha da üst səviyyəyə çıxıb. Nə qədər azarkeş olacağını bilmirəm. Amma böyük bir üstünlüyümüz olacağını düşünürəm. Bizi dəstəkləyəcək o tərəfdarlara meydanda gözəl oyun sərgiləməklə, yaxşı nəticələr qazanmaqla cavab verməyi düşünürük”.

Bakı olimpiya stadionu AÇ-2020-də “A” qrupunun İsveçrə – Uels, Türkiyə – Uels və Türkiyə – İsveçrə qarşılaşmalarına və 1/4 final mərhələsinin bir oyununa ev sahibliyi edəcək.