Samir Məsimovun komandası avroliqanın ilk matçında qalib gəlib

Sloveniyanın “Domjale” klubu Avropa Liqasının yeni mövsümündə ilk oyununu keçirib. Allsport.az saytı xəbər verir ki, azərbaycanlı futbolçu Samir Məsimovun komandası Andorra “Luzitanos”u ilə qarşılaşıb.

Sloveniyalılar doğma meydanda baş tutan ilk oyunda 3:1 hesablı qələbəyə seviniblər. Məsimovun adı bu matçın iştirak ərizəsinə daxil edilməyib. Bu komandalar arasındakı cavab matçı bir həftə sonra keçiriləcək.