Slovakiya – Azərbaycan matçının stadionu dəyişdirilib

“Ay-ulduzlular”ımızın AÇ-2020-nin seçməsində Slovakiya yığmasına qarşı səfər oyununun məkanı dəyişdirilib.

Allsport.az saytı xəbər verir ki, görüş öncədən nəzərdə tutulduğu kimi, Bratislavada milli futbol stadionunda yox, Trnavada “Anton Malatinski” arenasında keçiriləcək.

Buna Paraqvayla yoldaşlıq görüşündən sonra, paytaxt stadionunun ot örtüyünün yararsız hala düşməsi səbəb göstərilir. Noyabrın 19-da matç saat 23:45-də başlayacaq.