Tale Heydərov: Fransa klubu bizimlə bacara bilmədi

“Qəbələ”nin prezidenti Tale Heydərov Avropa Liqasının 3-cü təsnifat mərhələsində Fransanın “Lill” klubu üzərində qələbədən (1:0, ilk oyun – 1:1) danışıb. Allsport.az saytı xəbər verir ki, o, rəqibin bizə qarşı bütün güclünü ortaya qoyduğunu deyib:

“Gördüyünüz kimi, hər şey yaxşı alındı. Fransa klubunu keçmək çətin idi. Mənim üçün də həyəcanlı gün idi. Səfərdəki 1:1 hesablı heç-heçə yaxşı nəticə idi. Rəqib də bu gün qələbəyə köklənmişdi. Ən yaxşı futbolçularını meydana buraxmışdılar. Amma “Qəbələ” ilə bacara bilmədilər”.