Türkiyə İrəvanda qalib gəldi

Avro-2024-ün seçmə mərhələsinin ilk turu çərçivəsində Ermənistan seçməsi Türkiyəni qəbul edib.

Allsport.az xəbər verir ki, gərgin keçən oyunda ilk qol 10-cu dəqiqədə türkiyəli müdafiəçi Ozan Qabağın səhvidən olub (1:0). O, topu uzaqlaşdırmaq istərkən, öz qapısına yollayıb.

Amma rəqibin sevinci çox çəkməyib. 34-cü dəqiqədə Orxun Köyçü hesabda tarazlıq yaradıb.

Təzyiqi artıran qonaqlar 63-cü dəqiqədə Kərəm Ağtürkoğlu ilə önə keçib. Oyunda sonra qol vurulmayıb və “ay-ulduzlular” səfərdə erməniləri məyus ediblər (2:1).