UEFA yeni avrokubok mövsümünün xırdalıqlarını açıqlayıb

Yeni avrokubok mövsümünün tam qaydasını açıqlanıb. Allsport.az saytı xəbər verir ki, çempionlar və Avropa liqalarının (AL) 2018/19 mövsümündən qüvvəyə minəcək bütün yeniliklərin xırdalıqları bilinib. Apasport.az-ın məlumatına görə, UEFA-nın zəruri saydığı dəyişikliklər hər iki turnirə aiddir.

1. ÇL-a qrup mərhələsindən mübarizəyə başlayan klubların sayı 26-ya çatdırılıb. Bunlardan biri ÇL, biri AL-in son qalibidi. Digər 6 yer isə təsnifat mərhələlərində bəlli olacaq.

2. ÇL-in təsnifat mərhələlərində uduzan bütün komandalar ikinci şans qazanıb, AL-də mübarizə aparacaq.

3. AL-a qrup mərhələsindən mübarizəyə başlayan klubların sayı 17-yə çatdırılıb. Digər 31 yer isə təsnifat mərhələlərində bəlli olacaq.

Bunlardan 10-u ÇL-in III təsnifat mərhələsi və pley-offunda uduzan komandalardı. 21-i isə AL-də iki istiqamət üzrə təsnifatdan – Çempionlar yolu və Liqa yolundan gələcək.

4. İlk dəfə hər iki turnirdə ilkin mərhələ olacaq. ÇL-də 4 komanda bir mini-turnirdə olimpiya sistemi ilə, AL-də iki görüşdən ibarət pley-offla ən yaxşını müəyyənləşdirəcək.

5. Qrup mərhələsinin formatı dəyişməsə də, oyunların başlama saatı dəyişikliyə uğrayacaq. Qarşılaşmalar Bakı vaxtı ilə saat 21:55 və 23:00-da başlayacaq. Yay vaxtında bu 20:55 və 22:00-a dəyişəcək.

ÇL-in qalibi

AL-ın qalibi

UEFA reytinqində 1-4-cü yerlər – İspaniya, İngiltərə, Almaniya, İtaliya – hərəsi 4 komanda

UEFA reytinqində 5-6-cı yerlər – Fransa, Rusiya – hərəsi 2 komanda

UEFA reytinqində 7-10-cu yerlər – Portuqaliya, Ukrayna, Belçika, Türkiyə – 1 komanda

* Əgər Çempionlar Liqasının qalibi öz ölkəsində tutduğu yerə görə 24 vəsiqədən birinə yiyələnsə, UEFA reytinqinin 11-cisi Çex Respubkikası da birbaşa qrupda təmsil olunacaq. Əks halda isə sonuncular ÇL-in Çempionlar yolunda oynamalıdı.

* Əgər AL-ın qalibi öz ölkəsindən ÇL-in qrupuna düşübsə, UEFA reytinqinin 5-cisi Fransaya 3-cü yer veriləcək.

* Qrupda bir ölkənin 5-dən artıq komandası ola bilməz.

Təsnifat mərhələləri iki istiqamətdə aparılacaq. Öz ölkəsinin çempionu olanlar çempionlar yolunda, aşağı pillələrlə turnirə düşənlər liqa yolunda mübarizə aparacaq.

UEFA reytinqinə 11-ci və daha aşağı pillələrdə qərarlaşan ölkələrin çempionları mübarizə aparacaq. Bu yol ilkin, üç təsnifat və pley-offdan ibarətdi.

İlkin mərhələ: 4 ən aşağı reytinqli ölkənin çempionu mini turnirdə olimpiya sistemi ilə mübarizə aparacaq. Qalib I təsnifat mərhələsinə yüksələcək.

I təsnifat mərhələsi: Mübarizəyə 33 komanda qoşulacaq. İlkin mərhələnin qalibi də onlara qatılır və 17 cüt təşkil edəcək. Azərbaycan çempionu da “33-lük”dən biri kimi yarışa start verəcək.

II təsnifat mərhələsi: Mübarizəyə 3 komanda qoşulacaq. I təsnifat mərhələsinin qalibi ilə birlikdə 10 cüt təşkil edəcək.

III təsnifat mərhələsi: 2 komanda mübarizəyə qoşulacaq və II təsnifat mərhələsinin 10 qalibinə qatılır. 6 cütlük təşkil olunacaq

Pley-off: Mübarizəyə 2 komanda qoşulacaq və III təsnifat mərhələsinin 6 qalibi ilə 4 cüt təşkil edəcək. Bu cütlərin qalibləri qrupa yüksələcək

* İlkin, I, II və III təsnifat mərhələlərində uduzan komandalar AL-a yollanacaq.

Onlar AL-da yeni yaradılar çempionlar yolunda çıxış edəcək. Pley-offda uduzanlar isə AL-ın qrupunda oynamaq hüququ qazanacaq.

Üç mərhələdən ibarət yolda UEFA reytinqinin 5-6-cı ölkəsində 3-cü, 7-15-ci olanların 2-ci komandası burada mübarizə aparacaq.

II təsnifat mərhələsi: 6 komanda 3 cütdə mübarizə aparacaq.

III təsnifat mərhələsi: 5 komanda mübarizəyə qoşulacaq və II təsnifat mərhələsinin 3 qalibi ilə 4 cütlük təşkil edəcək.

Pley-off: III təsnifat mərhələsinin 4 qalibi 2 cütlük təşkil edəcək.

* II təsnifat mərhələsində uduzanlar mübarizəni AL-ın III təsnifat mərhələsində davam etdirəcək.

* III təsnifat mərhələsi və pley-offda uduzanlar AL-ın qrupunda oynamaq hüququ qazanacaq.

UEFA reytinqində 1-5-ci olanlar – İspaniya, Almaniya, İngiltərə, İtaliya, Fransa – 2 komanda

UEFA reytinqində 6-12-ci olanlar – Rusiya, Portuqaliya, Ukrayna, Belçika, Türkiyə, Çex Respb., İsveçrə – 1 komanda

ÇL-in Çempionlar yolunda pley-offda uduzan 4 komanda

ÇL-in Liqa yolunda pley-offda uduzan 2 komanda

ÇL-in Liqa yolunda III təsnifat mərhələsində uduzan 4 komanda

AL təsnifat mərhələləri ilk dəfə iki istiqamətdə keçiriləcək. Bunlar çempionlar və avroliqa yoludur.

ÇL-in Çempionlar yolunda uduzan komandalar mübarizə aparacaq.

II təsnifat mərhələsi: ÇL Çempionlar yolunun ilkin və I təsnifat mərhələsində uduzan 20 komanda 10 cütlük təşkil edəcək.

III təsnifat mərhələsi: ÇL-in Çempionlar yolunun II təsnifat mərhələsində uduzan 10 komanda və AL-in Çempionlar yolunun II təsnifat mərhələsinin 10 qalibi 10 cütlük təşkil edəcək.

Pley-off: ÇL-in Çempionlar yolunun III təsnifat mərhələsində uduzan 6 komanda və AL-in Çempionlar yolunun III təsnifat mərhələsinin 10 qalibi 8 cütlük təşkil edəcək. 8 qalib qrupa yüksələcək.

UEFA-ya üzv olan 55 ölkəni təmsil edən komandalar 4 mərhələdə mübarizə aparacaq. ÇL-in Liqa yolunda II təsnifat mərhələsində uduzanlar da bura qoşulacaq.

İlkin mərhələ: 16 komanda 8 cütdə üz-üzə gələcək.

I təsnifat mərhələsi: 86 komanda mübarizəyə qoşulacaq və ilkin mərhələnin 8 qalibi ilə birlikdə 47 cüt təşkil edəcək. Azərbaycanın üç komandası da 86 klub arasına mübarizəyə başlayacaq.

II təsnifat mərhələsi: 27 komanda mübarizəyə qoşulacaq və I təsnifat mərhələsinin 47 qalibi ilə 37 cüt təşkil edəcək.

III təsnifat mərhələsi: 12 komanda mübarizəyə qoşulacaq. ÇL-in Liqa yolunun II təsnifat mərhələsində uduzan 3 komanda, həmçinin AL-in II təsnifat mərhələsinin 37 qalibi çıxış edir. Bu 52 komanda 26 cütdə üz-üzə gələcək.

Pley-off: 26 komanda 13 cütdə oynayacaq. Qaliblər qrupa yüksələcək.

Qeyd edək ki, Avropa Liqasının finalı Bakı olimpiya stadionunda, çempionlar liqasının həlledici matçı Madriddəki “Metropolitano”, Superkubok isə Tallininin A.Le Kok Arena stadionunda keçiriləcək.