Ulduz futbolçudan və onun karateçi həyat yoldaşından örnək addım

Münhen “Bayern”inin hücumçusu Robert Levandovski koronavirusla mübarizə üçün yardım aksiyasına qoşulub. Allsport.az xəbər verir ki, o, karateçi həyat yoldaşı Anna Levandovska ilə birlikdə pandemiya ilə mübarizəyə 1 milyon avro ayırıb.

Polşalı hücumçu yardımla bağlı bu sözü deyib: “Baş verənlərin ciddi olduğunu anlayırıq. Çətin vəziyyətdir. Artıq hər birimiz eyni komandada mübarizə aparırıq. Bu müharibədə güclü olmalıyıq. Mübarizəyə güc qatacaq hər kəsdən dəstək gözləyirik”.