“Uşaqların hamısı medal qazanmağa köklənib”

Yunan-Roma güləş millisinin baş məşqçisi Aleksandr Tarakanov Tokio olimpiadasına səfər öncəsi açıqlama verib. Allsport.az saytı xəbər verir ki, o, idmançılarımızın bu yarışda müsbət nəticələr qazanacağını düşündüyünü deyib:

“Uşaqlar, prinsipcə hazırlıqlıdırlar və yaxşı formaya çatıblar. Onlar məhz medal qazanmağa kökləniblər. Bu səbəbdən, ümidvarıq ki, uşaqlar yaxşı çıxış edəcək və medallarla qayıdacaqlar.

Ölkənin, yunan-Roma güləşinin adına çalışıb-vuruşacağıq. İşimizi, necə hazırlaşdığımızı Allah da görür. Buna görə də hər şeyin yaxşı olacağını düşünürük”.