Yığmanın futbolçuları Tallinə yollandılar

UEFA millətlər liqasında Estoniya ilə qarşılaşacaq Azərbaycan milli komandası oyunun keçiriləcəyi Tallin şəhərinə yollanıb.

Allsport.az xəbər verir ki, millimizi səfərə aparan təyyarə saat 15:00-da Heydər Əliyev beynəlxalq hava limanını tərk edib.

Komanda oktyabrın 10-da, Bakı vaxtı ilə saat 18:00-da matçın baş tutacağı “Lilleküla” stadionunda son məşqinə çıxacaq.

Qeyd edək ki, oktyabrın 11-də keçiriləcək Estoniya – Azərbaycan görüşü Bakı vaxtı ilə saat 20:00-da başlayacaq.