Yusif Lavalın durumu nə yerdədir?

Premyer liqanın 11-ci turunda “Bakcell arena”da keçirilmiş “Neftçi” – “Sabah” matçının ilk hissəsində zədələnmiş Yusif Laval, klubun sağlamlıq himayədarı “Liv Bona Dea Hospital”da müayinədən keçib.

Allsport.az saytı xəbər verir ki, bununla bağlı “ağ-qaralar”ın baş həkimi Şaiq Zöhrablı açıqlamasında verib: “Sınığı və daxili orqanlarda zədəsi yoxdur. Sadəcə, möhkəm əzildiyi üçün ağrı hiss edir. Ağrısı azalsa, artıq komandanın növbəti məşqində iştirak edə biləcək”.