Zəfər gününə həsr olunan ölkə birinciliyi keçirilir

Azərbaycan gənclər və idman nazirliyi və Azərbaycan stolüstü tennis federasiyasının təşkilatçılığı ilə zəfər gününə həsr olunan ölkə birinciliyinə start verilib.

Allsport.az xəbər verir ki, “Şüa” idman kompleksində keçirilən yarışda paytaxt və bölgələrdən 2011-ci il və daha kiçik təvəllüdlü 70-ə yaxın stolüstü tennisçi bacarığını göstərir.

Turnirin təşkilində əsas məqsəd Azərbaycan tarixinin ən önəmli səhifələrindən sayılan zəfər gününün təbliği və uşaqlarda vətənpərvərlik hissinin aşılanmasıdır.

İki gün davam edəcək yarışlar həmçinin yeni istedadların üzə çıxarılması baxımından da əhəmiyyətlidir.