2 kiçikyaşlı taekvondoçumuz Avropa çempionu olub

Rumıniyan paytaxtında taekvondo üzrə kiçikyaşlı yeniyetmələrin Avropa birinciliyi başa çatıb. Allsport.az saytı xəbər verir ki, yarış Azərbaycan idmançıları üçün uğurlu alınıb.

Baş məşqçi İlkin Şahbazovun rəhbərliyi ilə Buxarestə yollanan hər 2 təmsilçimiz Vətənə qızıl medalla qayıdıb. Sabir Məmmədli (27 kq) və Nazim Məmmədov (30 kq) bütün rəqiblərini məğlub ediblər.