Azərbaycanlı hakim “A” dərəcə aldı

Polşanın paytaxtı Varşavada hakimlər üçün “A” kateqoriyalı beynəlxalq dərəcəli hakim adının alınması üçün imtahan keçirilib.

Allsport.az xəbər verir ki, imtahanda Azərbaycan cüdo federasiyasının (ACF) hakimlər heyətinin üzvü Rəşad Əliyev də iştirak edib.

Hakimlər nəzəri hissəyə dair imtahan veriblər. Daha sonra, cüdo üzrə böyüklər arasında açıq Avropa turnirində görüşləri idarə edərək praktiki imtahan veriblər.

Həm nəzəri, həm də praktiki imtahanı yüksək nəticə ilə keçən Rəşad Əliyev “A” kateqoriyalı yüksək hakimlik lisenziyasını əldə edib.