Mövsümü erkən başa vurdu

Kişi tennisçilərin dünya reytinqində birinci pillədə qərarlaşan Yannik Sinner 2026-cı ilin qalan hissəsində korta çıxmayacaq.

Allsport.az xəbər verir ki, italiyalı tennisçi davam edən diz zədəsi səbəbindən mövsümü erkən başa vurmaq qərarına gəlib.

25 yaşlı idmançı sosial şəbəkə hesablarında paylaşdığı videoda həkimlərlə birlikdə dizində müalicə prosesinə ehtiyac olduğu qənaətinə gəldiklərini bildirib:

“Bu, 2026-cı il mövsümünün mənim üçün rəsmi olaraq başa çatması deməkdir. Uzunmüddətli karyeramı düşünməliyəm. Tam sağalmaq üçün əlimdən gələn hər şeyi edəcəyəm”.

5-qat “Böyük dəbilqə” qalibi ötən iyulda “Uimbldon”da çempion olduqdan sonra zədə səbəbindən heç bir rəsmi turnirdə iştirak etməyib.