Avropa dərəcəli həndbol hakimlərimizə yeni təyinat

Emil və Ernest Ağakişi qardaşları növbəti təyinat alıblar.

Allsport.az saytı xəbər verir ki, Avropa dərəcəli həndbol hakimlərimiz qadınların Çağırış kubokunun 3-cü mərhələsində “ACME–Jalgris-2” (Litva)–“Qomel” (Belarus) matçını idarə edəcəklər.

EHF nümayəndəsi çex Lada Trojkova olacaq. Görüş noyabrın 11-də Litvanın Alitus şəhərinin “Alytaus Arena” kompleksində keçiriləcək.