Azərbaycan təmsilçisi finalda İsveçrə klubu ilə qarşılaşacaq

Çimərlik polosu üzrə beynəlxalq turnirdə finalçılar müəyyənləşib.

Allsport.az xəbər verir ki, “Sea breeze 2026” beynəlxalq çimərlik polosu turnirinin həlledici qarşılaşmasında “Elite polo klub” və İsveçrənin “Sankt Moritz” komandaları üz-üzə gələcəklər.

Azərbaycan təmsilçisi finala Böyük Britaniyanın “Red Star” klubunu 9:7 hesabı ilə məğlub edərək yüksəlib. “Elite polo klub”ın kapitanı Elçin Camallı ilk oyunda olduğu kimi, bu görüşdə də məhsuldarlığı ilə seçilib. O, komandasının 9 qolundan 6-sına imza atıb.

“Sankt Moritz” isə finala gedən yolda Rusiyanın “Moskva polo klub” kollektivini 6:4 hesabı ilə məğlub edib.

Üçüncü yer uğrunda görüşdə “Moskva polo klub” və “Red Star” üz-üzə gələcək.