“Azəryol” – “Ankara Yeniməhəllə” görüşünün hakimləri bilinib

Məlum olduğu kimi, qadın həndbolçulardan ibarət “Azəryol” klubu Çağırış kubokunda mübarizəyə Türkiyədə başlayacaq. Allsport.az saytı xəbər verir ki, yarışa 3-cü mərhələdən qoşulacaq komandamızın rəqibi “Ankara Yeniməhəllə”dir.

Noyabrın 17-si və 18-də hər 2 görüş paytaxtda təşkil olunacaq. “THF Spor Kompleks”də keçiriləcək görüşlərin hakimləri kosovolu Şerif Xema və Jahya Besfortdur. EHF nümayəndəsi gürcüstanlı Levan Gelaşvilidir.