Bakıda qızlar üçün cüdo klubu

ACF tərəfindən ilk dəfə pilot layihə olaraq ancaq qız idmançıların cüdo idman növü ilə məşğul olduğu klubun yaradılmasına dəstək verilib.

Allsport.az saytı xəbər verir ki, Əhmədli qəsəbəsində fəaliyyət göstərən klubda hazırda 40 nəfər yeniyetmə qız ödənişsiz olaraq bu idmanla məşğul olurlar.

Dərslər dünya və Avropa mükafatçısı Kifayət Qasımova və paracüdo üzrə dünya və paraolimpiya çempionu Afaq Sultanova tərəfindən keçirilir.